هو الشباب كره الشغل ولا فى ايه
وزير الإسكان: مئات الالاف من فرص العمل متوفرة والشباب يرفض العمل بها
https://scontent-a-cdg.xx.fbcdn.net/...29&oe=55551382
وزير الإسكان: مئات الالاف من فرص العمل متوفرة والشباب يرفض العمل
:arab::arab::arab::arab::beatdeadhorse5:
بغض النظر عن جو الموهلات الى الشباب ماسكه فيه ده ولو بصو للناس الناجحه كلها هيلاقوهم اشتغلو فى اكتر من حاجه فى بدايه حياتهم ولكن ديه حقيقه للاسف والخير صحيح وانا عشته بنفسى فى مصر من 3 سنين تقريبا كنت كل ما اعمل اعلان وظايف لناس ومرتبات عاليه ومكنش حد بيجى لدرجه شكيت فى صيغه الاعلان وغيرته
والى يجى ما شاء الله عايز يجى يكون صاحب الشركه على طول او مدير عام ليه مكتب وتكيف ومرتب علشان يعرف يرسم على صحابه والموزه بتاعته والكلام ده بجد مش بهزر انا سمعته من شباب كتير بيقدمو فى وظايف وبيرفضوها للسبب ده لدرجه واحد والله بيقولى طب هتجبولى تيلفون ايه ايفون ولا سامسنوج ؟
ارد اقوله ايه ده ؟
ففعلا الموضوع ده بين الشباب حقيقى واكتر من واحد صحبى فى شركاتهم فى مصر بيشتكو من نفس الموضوع
السبب ان الموظف ملوش حقوق ومش بيحس بالامان فى القطاع الخاص لو لقيت وظيفه فى الحكومه شوف كام واحد بيتقدم ليها
الشغل كتير فعلا بس معظم الناس بتتأمر وبتتنك وعايز يشتغل مدير ويقبض ١٠ آلاف جنيه وبعد كل ده يشتغل بمزاجه أو ميشتغلش خالص
اللي يدور يلاقي بس محدش يفتكر إنه هيشتغل في مجاله أو مجال تخرجه علشان ميتعبش
ونشتغل ليه والحكومه عاملالنا كل حاجه بدل بطاله بدل عنوسه بدل زواج بدل مصيف بدل زهق بدل دلع
وبعدين الدوله بتجيبلنا الخلايجه والسعوديين يشتغلو عندنا ونستعبدوهم واحنا نقعد بشوات فى التكييف حنتبطر على النعمه
وجهه نظرى الصغيره والمحدوده
بجد احنا بقينا اتكالين ومفيش شاب عاوز يتعب عشان يلاقى وفعلا فى وظايف فى البلد والشباب بتتنك
مش وظائف بمعنى مدير او مسئول فى وزاره اانا بتكلم عن نفسى كقطاع خاص
لما بدور على عماله بدوخ ده غير عدم الامانه والالتزام بالمواعيد
غير الحجج الفاضيه وغير او سؤال انا هاخد كم وبدل سفر كم وبدل اقامه كم وبدل مش عارف ايه كم
طيب يابن الحلال شوف الشغلانه الاول مناسبه هتسد هتقدم فيها ايه عشان انا كصاحب شغل مقدرش استغنى عنك يوم ماتبقى فاهم الشغل كويس وبقيت دراعى اليمين ساعتها انت اللى هتحدد مرتبك ويوم ماتلاقى حد فعلا تثق فيه واستمر معاك فى شغلانه سنه بالظبط وهتلاقيه اتفرد واتنى عليك بعد ماعرف اسرار شغلك ونظام لوى الدراع
انا بتكلم من تجارب عمليه معايا انا شخصيا فى سوق العمل المصرى الجميل
الا من رحم ربى طبعا
ربنا يهدينا جميعا ويهدى شبابنا
شوفوا الصنايعية على سبيل المثال في أي مهنة من المهن
الواحد بيبقى هاين عليه أحيانا يبوس رجله علشان يروحله ولو أداله معاد تاني يوم ممكن ميروحش قبل أسبوع علشان البيه عنده شغل ومش فاضي ده لو راح أساسا !
ولو اتفقت على موعد تسليم شغلانة بعد شهر اعمل حسابك تضرب × ٣ على الأقل
اتفقت مع نجار يعملي قوضة أطفال وقالي أسبوعين وأسلمهالك ، والله العظيم قعد أكتر من ٦ شهور !! وللعلم النجار ده صاحبي وحبيبي !!!
شوف التاكسي مثلا ، بيبقى هاين عليك تقوله انت عايز تروح فين يا أسطى وأنا هروح معاك !
البلد مليانة شغل بس الناس اللي مستغنية وبتتأمر
هههههههههههههههههههههههه :tumb:اقتباس:
المشاركة الأصلية كتبت بواسطة أبو آسر
الناس اللي عمالة بتهاجم الشباب دي بتهاجمهم لي !!
أولا أنا علشان أبعد عن مجالي واشتغل ف أي حاجة محتاج مرتب كبير لأن انا مش هاخد أي خبرة من الشغل ده !
طيب المرتب ده كام يعني !
لو سيادتك بتقبض 1200 جنيه هتعرف تحوش منهم تعمل شقة وشبكة وعفش !!
طب لو هتوصل 2000 صاحب الشغل هيبهدلك ويخليك تصرفهم على علاجك من الدوخة اللي هتشوفها !!
للأسف أصحاب القطاع الخاص بيستعبدوا اللي بشغلوهم وبملاليم ف الآخر !!
انا واحد من اللي عايشين الواقع الأليم ده حاليا ومازلت بدون عمل !!
البيضه و لا الفرخه الاول
هى دى مشكله الشباب فى مصر مع الشغل
انا شخصيا اعرف كذا صاحب عمل نفسهم يلاقو حد يشتغل ياستمرار و مش كل شويه يغير الموظف و كل الى بيجيى بيقول دى وظيفه مؤقته و يمشى كمان شويه حتى لو هيقعد فى البيت للاسف عشان حقوق العمال فى القطاع الخاص خاصه القطاع الخاص الصغير ضايعه محدش بيحس انه شغال و عليه شغلانات كتير بقت عماله مؤقته طول الوقت
اقتباس:
المشاركة الأصلية كتبت بواسطة mahmoud naguib
ربنا يكرمك ان شاء الله وتبقى صاحب عمل مش عامل
علشان تشيل من دماغك ان اصحاب العمل فى القطاع الخاص ظلمه ومصاصين دماء
على فكره انا لا كنت وارث ولا حد اعطانى غير ربك الكريم هو صاحب الفضل فى كل شىء
ياريت متعممش مش كل اصحاب العمل مصاصين دم.. زى ماكنا بنسمع من زمان ولاكل العمال حاقدين على صاحب العمل
يا اخى الفاضل اقسم لك .. من يوم الثوره واحنا حالنا بقى كارثى وعمرى مافكرت انى اسرح عامل
اقرب شى المصنع عندى مشتغلش نهائيا من نصف شهر 11 الى الان.... بطلب من العامل ان يقعد فى بيته علشان ميكلفش نفسه مواصلات ويتجمعوا مع بعض يوم الاربعاء او الخميس من كل اسبوع بحجه تنظيف الماكينات من التراب وتزييتها ده بس علشان ياخدوا مرتباتهم (بدون نقصان مليم واحد عطله ) من ان اتفاقنا فى العطله اديله 1000 جنيه فى الشهر بواقع 250 فى الاسبوع اقسم لك فتره التوقف بالكامل مرتبه لاينقص مليم 450 جنيه اسبوعيا وفيه منهم مبيرضاش يجى احراج اذهب له الى بيته لانهم عندهم اسر واولاد وارتباطات .. وكل ده بطيب خاطر.مع ان الدنيا فعلا جايبه معانا ورا خااااااااااااالص وقربنا خلاص على النهايه فى الشغل ولكن املنا كبير ان ربنا يصلح الاحوال والبلد تستقر..
من فضلك بلاش الصوره القاتمه دى عن اصحاب العمل فى القطاع الخاص
اكيد طبعا اصحاب الاعمال عايزين موظف بالف ولا حتى الفين و يعلمه الشغل و الموظف يميروحش وظيفة تانية !! معلش سؤال لصاحب العمل هل لو موظفك اخد شهادة في مجالك هترقيه و تزود مرتبه علي طول ولا هتقوله ربنا يسهل بعدين ؟
يا اصحاب الاعمال احنا بني ادمين و الموضوع عرض و طلب انت بتطلع الف جنيه بتحسهم الف دولار و بعدين الف جنيه في الشهر مش مبلغ
و لما اروح انترفيو و اسأل فيه تامينات اجتماعية ولا لأ يتقالي لو عايز ممكن نأمن عليك هههههه يعني في امكانية انه ميأمنش عليا كمان !السؤال عن الارباح من المحرمات ! انا اشتغلت في قطاع خاص بعد اربع شهور حصلتلهم مشكلة مترددوش لحظة انهم يمشونا طبعا بعد ما ادونا بونص علي الحركة دى
الخلاصة لو طرف مش مرتاح مع الطرف التاني ينهي العقد و بلاش صعبنيات
محدش بيصعب علي حد في مجال العمل
اكيد طبعا اصحاب الاعمال عايزين موظف بالف ولا حتى الفين و يعلمه الشغل و الموظف يميروحش وظيفة تانية !! معلش سؤال لصاحب العمل هل لو موظفك اخد شهادة في مجالك هترقيه و تزود مرتبه علي طول ولا هتقوله ربنا يسهل بعدين ؟
يا اصحاب الاعمال احنا بني ادمين و الموضوع عرض و طلب انت بتطلع الف جنيه بتحسهم الف دولار و بعدين الف جنيه في الشهر مش مبلغ
و لما اروح انترفيو و اسأل فيه تامينات اجتماعية ولا لأ يتقالي لو عايز ممكن نأمن عليك هههههه يعني في امكانية انه ميأمنش عليا كمان !السؤال عن الارباح من المحرمات ! انا اشتغلت في قطاع خاص بعد اربع شهور حصلتلهم مشكلة مترددوش لحظة انهم يمشونا طبعا بعد ما ادونا بونص علي الحركة دى
الخلاصة لو طرف مش مرتاح مع الطرف التاني ينهي العقد و بلاش صعبنيات
محدش بيصعب علي حد في مجال العمل
لألاسف الناس كلها بتحسبها بالفلوس وبس مع انها مهمه عارف وعصب الحياه بس هو مبصش ليه انه ممكن ياخد خبره ولو بسيطه وتتكتب فى Cv ويكون اسمه اشتغل فى شركه اهون منه انه يكون لسه ابيض فبالتالى هيتأهل لمكان افضل وديه حصلت كتير
تانى حاجه مجرد نزوله اى شغل واحتكاكه بالسوق اى كان مجاله فهو غالبا بنسبه كبيره بيحصل على عمل من خلال العلاقات مش الاعلانات والكلام ده
فانا شايف الشغل على بعضه Package مش موضوع مرتب والنظره الضيقه ديه
المشكلة إنهم بيوفروا وظائف تحتاج الذهاب للعمل و الإستيقاظ مبكرا . مافيش سبوبة كدة تجيب آلافات من غير تعب!
إنت لو فعلا كدة تبقى راجل محترم جدا بس يا خسارة اللى زيك ملهومش مكان فى مصراقتباس:
المشاركة الأصلية كتبت بواسطة طارق _عبد السلام
مع احترامي الكامل ...صاحب الشغل الخاص فعلا بيبقي عايز يجيب اقل عدد من الموظيفن باقل رواتب ممكنة عشان يقلل التكالف
ودايما مفيش ترقيات ولا تامين ولا اي حاجة ...ويوم ما تطلب ترقية ولا زيادة يقلك ازودة ليه ..منا اجيب واحد جديد بنفس المرتب ولا اقل كمان وخلاص ؟؟؟
واصحاب العمل الخاص كلو عايز يشغل الشباب ب1000 و 1500 جنية ..فالواحد هيجيب منين تمن المواصلات والاكل والشرب وهيتجوز ازاي ويعمل اية ؟؟؟
وزيرة القوى العاملة اللي فلقتنا ان في مليون وظيفة ومليار وظيفة محدش بيتقدملهم ؟؟؟ مسالتش نفسها ليية ؟؟؟
انا عن نفسي مغترب ومستعد انزل مصر ب25 % من راتبي ..؟؟؟؟ بس لما جيت اشوف الوظايف اللي الهانم بتتكلم عنها كلها ...سائق ..عامل نظافة ..تي بوي...عامل ...مشغل اله ...الخ ...والرواتب بقي بتبدأ من 800 جنية واقصي راتب مذكور في الموقع 2110 تقريبا شامل كل شيء ...وكل الشغل حرفي ...يعني مفيش ولا وظيفة منهم ..محاسب او مهندس او طبيب او it او او او ...الخ
للاسف اصحاب الشركات الخاصة عايزين يكسبوا 99 % ويصرفوا 1 % ...والدليل علي كدا اللي بيحصل علي اعلانات الوظايف الحكومية ..تلاقي عايزين 10 موظفين متقدملهم 600 الف و 800 الف ؟؟؟
فعلا! اخدتها من على لسانى.اقتباس:
المشاركة الأصلية كتبت بواسطة أبو آسر
الصنايعي بتاع تشطيب الشقق لو في جيبه 100 جنيه مش هيعبرك وهيقعد فى بيتهم.
عشان كده لما باجي بحاسب الصنايعية مش بديه فلوس غير بالقطارة ومش بكمله حسابه الا لما يسلم الشغل تمام.
رغم ان المفروض نعطي الاجير حقه قبل ان يجف عرقه، بس لو اديته يومية كاملة محترمة مش هيجي تانى يوم الوشغل هيتعطل
كان عندي انترفيو النهاردة في شركة فا بتسأل المرتب المتوقع كام فاقولت 1500 اتقالي مش كتير حبتين فا قولت 1200 اتقالي كتير حبة برضه فا قولت خلاص زي بعضه 1000 اتقالي ما نحط جنبها 0 و تبقي 10000 هههههههه كانت انترفيو ظريفة بغض النظر عن المرتب !! الوظيفة كانت اوبريشن في شركة ملاحة و خبرتي فى كول سنتر انجليش
ايه رأي اصحاب الأعمال في الموقف دة ؟
والله انا مش قصدى حاجة بس محدش بيدي مرتبات
أحيانا السؤال ده بيبقى الغرض منه استشفاف مدى خبرتك وثقتك في نفسك مش مسألة يشوفوك طماع ولا لأ بمعنى آخر لو طلبت مبلغ كبير هتلفت انتباههم علشان هيعرفوا انك واثق من نفسك وعارف انك تستحق المبلغ ده وعلى العكس لو طلبت مبلغ قليل هيحسوا انك مهزوز ومش أد الشغلانةاقتباس:
المشاركة الأصلية كتبت بواسطة matrix_it
الكلام ده عرفته من خلال المقابلة الوحيدة في حياتي في إحدى الشركات في ٦ أكتوبر كانوا طالبين مصممين جرافيك ولما روحت ومليت الأبليكيشن وكان فيها سؤال المرتب المتوقع ومكتوب جنبه إجباري يعني لازم أجاوب على السؤال فكنت كاتب وقتها تقريبا ١٠٠٠ جنيه الكلام ده بقاله بتاع ٥ سنين ولا حاجة فلقيته بيبصلي كده وبيقولي في ناس بتيجي هنا وبتزود صفر على الرقم اللي انت كاتبه ده وقالي كلام فيما معناه انك لسة محتاج شوية خبرة وحاليا انت مش مؤهل للشغلانة دي
ازاي يعنــي !!
متابع
انا فاهم النقطة دى و عشان كدة طلبت أعرف الاوفر بتاعهم بس مطلعتش منهم بعقاد نافعاقتباس:
المشاركة الأصلية كتبت بواسطة أبو آسر
خير ان شاء الله و دعواتكم معايا علشان الاقى وظيفة مناسبة
الكلمة دى بظببببط اتقالتلى لما قلت 1500 ههههههههههههههاقتباس:
المشاركة الأصلية كتبت بواسطة s o p h o s
خير ان شاء الله